రోడ్డు ప్రమాదం లో వ్యక్తి మృతి
ANDHRA TIMES NEWS - News / ప్రకాశం : ప్రకాశం జిల్లా పెద్దదోర్నాల,ఓ మోటారు సైకిల్ స్కిడై ప్రమాదవశాత్తు రోడ్డు ప్రమాదంలో ఒక వ్యక్తి అక్కడికక్కడే మృతి చెందిన సంఘటన పెద్దదోర్నాల మండల పరిధి శ్రీశైలం ఘాట్ రోడ్డు చిన్నారుట్ల వద్ద మంగళవారం సాయంత్రం జరిగింది. ఈ సంఘటనలో కడప జిల్లా సిద్ధవటం మండలానికి చెందిన కొంగ సుబ్బారెడ్డి అక్కడికక్కడే మృతి చెందాడు. మోటారు సైకిల్ వెనుక వైపున కూర్చున్న తన బంధువు మహిళ ఒకరికి స్వల్ప గాయాలయ్యాయి. మోటారు. బైక్ పై శ్రీశైలం నుండి దోర్నాల వైపుకు వస్తుండగా చిన్నారుట్ల సమీపంలో మోటారు బైక్ స్కిడ్ అయి కొండకు ఢీకొని తలకు తీవ్ర గాయాలై అక్కడికక్కడే మృతి చెందాడు. తన బంధువుకి స్వల్ప గాయాలయ్యాయి. సమాచారం అందుకున్న దోర్నాల ఎస్సై వి. మహేష్ హుటాహుటిన సంఘటనా స్థలానికి వెళ్లి పరిశీలించారు. మృతదేహాన్ని మార్కాపురం మార్చురికి తరలించారు. ఎస్సై వి. మహేష్ కేసు నమోదు చేసి దర్యాప్తు చేస్తున్నారు.
Admin
ANDHRA TIMES NEWS
మరిన్ని వార్తలు
Developed By :
